- 2018-2020 aldirako negozio-plana
- Gure marka
- Euskara Bankoan
BANKOABIAN 2020: Bankoa Crédit Agricoleren negozio-plana
4 ardatz, bereizten gaituena lantzeko 4 lurralde.
20 urte Crédit Agricolerekin, 2020. urtera arrakastaz iristeko indarra.
BANKOABIAN 2020, Bankoa bere lurraldean erreferentziazko bankua izan dadin bezero guztientzat eta haien ingurukoentzat.
Bikaintasuna euskararen kudeaketan
Bankoa Crédit Agricolek 2008an jarri zuen abian bere Euskara Plana. Euskara Batzordearen gidaritzapean, Zuzendaritzaren oniritziarekin eta bulego eta zerbitzu zentraletako boluntarioen laguntzarekin, Bankoa aurrerapauso handiak ematen ari da bertan euskara eguneroko hizkuntza izan dadin.
Helburua da euskararen erabilera barneko nahiz kanpoko harremanetan sustatzea, langileen eta erakundearen kontzientziazioa landuz eta dagozkion hizkuntza-irizpideak ezarriz.
Bikain ziurtagiria
La obtención del nivel plata en la Certificación Bikain significa para Bankoa Crédit Agricole la excelencia en la gestión del euskera. Se trata de un reconocimiento muy importante. Fruto de la labor de muchos años.
La Certificación Bikain es una muestra de la vinculación de Bankoa Crédit Agricole con su territorio y con las personas que lo habitan. Es, en definitiva, el compromiso del Banco con sus clientes, con sus colaboradores y con la sociedad en su conjunto.
Está recogido en nuestro Proyecto de Empresa que uno de los principios es el Pacto con el Cliente: la Certificación Bikain, en ese aspecto, supone un paso más para generar confianza, un paso más para que el cliente esté a gusto con nosotros. Y lo mismo nos ocurre con el Pacto con el Empleado: se trata de un aspecto más para que las personas que conformamos el Banco nos sintamos un poco más involucrados con el Proyecto, con nuestro territorio y el desarrollo de nuestra cultura.
Bankoan martxan jarritako ekimenak
Euskararen ahozko erabilera sustatzeko ekintzak
- Mintzapraktika-saioak zerbitzu zentraletan eta Mintzalaguna bulegoetan, euskaraz hitz egin nahi duten langileek horretarako aukera izan dezaten.
- "Telefonoz lehen hitza euskaraz" kanpaina.
- Langileen hizkuntza-profila zehaztea, euskaldunen arteko elkarrizketak euskaraz izan daitezen bultzatzeko.
Euskararen idatzizko erabilera sustatzeko ekintzak
- "E-postak euskaraz" kanpaina.
- Bankuaren hiztegi teknikoa osatzea, astero intranetean hitz bat argitaratuz.
- Ele biko formularioak izatea.
Bulegoen konpromisoak euskararen erabileraren inguruan
- Harreman informal nahiz formalak, ahozkoak nahiz idatzizkoak, euskaraz izan daitezen.
- Hala eskatzen duten bezeroei zerbitzua euskaraz ematea.
Alfabetatzea
- Euskara ikasi nahi duten langileei euskara ikasteko aukerak ematea.
- Bankuaren hiztegi teknikoa osatzea.
- "Euskaraz Seguru" zalantzak argitzeko gida.
Bezeroari, nahi badu, euskaraz aritu daitekeela jakitera ematea
- Bulegoetan identifikatzaileak jartzea.
- "Bankoan euskaraz egiten dugu" kanpaina.
- Kontratu ohikoenak euskaraz jasotzeko aukera ematea.
Bankoaren hizkuntza-politikaren jarraibide nagusiak
Bankoa Crédit Agricoleren hizkuntza-politikak honako jarraibide hauek jasotzen ditu, besteak beste:
- EAEko kontratazioetan, elebitasuna ezinbestekoa da.
- Kanpora begirako komunikazio eta publizitate-kanpaina guztiak ele bitan egingo dira.
- Bezeroei ematen zaien dokumentazio orokorra ele bitan egongo da.
- Langileentzako barne-komunikazioa ele bitan egingo da.
- Bezeroari berak eskatutako hizkuntzan erantzungo zaio ahozko komunikazioan.
- Prestakuntzari dagokionez, langile orori euskara ikasteko aukera eta erraztasunak emango zaizkio.
Bankoaren marka, banka egiteko modu baterako
Bankoak beste irudi baten bidez erakusten du zer den; gure nortasunaren eta balioen adierazgarri den irudi baten bidez.
Aldatuz goaz, bai, baina berdin dirau gure nortasunak. Gure gertutasunak. Zuhurtzia eta gardentasuna dira gure modua, lehen bezala orain, etorkizunera begira beti, gure bezeroen eta gizarte osoaren eskaerak eta itxaropenak bete nahi etengabean.
Euskal tipografia eguneratua, modernoa, eta barrutik irteten den kolore batean. Bankoa izena –gure erroen ikurra– euskal kutsuko tipografian idazten jarraituko dugu. Estilo teknologikoago bat izango du, ordea, gizartea aurrera baitoa. Betidaniko tipografia orain biziagoa eta arinagoa da, eta bere baitan biltzen ditu gure espezializazioaren atalak: Ondarearen Banka eta Enpresen Bankua.
Altzairu herdoilduaren marroi gorrixka hori, gure lurraldeetan hain hedatua eta hain geurea. Gure burdinola eta ontzioletako marroi hori, gure DNAren parte den industria horrena, oraindik ere aitzindari eta aberastasun-sortzaile den industria horrena.Jatorriak eta geroa..
Gure sendotasuna Bezeroarentzat da.
Gure Taldea beste Talde baten barruan dago:Groupe Crédit Agricoleren barruan.Horrek ematen digu indar finantzarioa, aurrera egiteko ezinbestekoa.Bezeroa babesten beti, proiektu guztietan oso urrun irits dadin.
Horregatik, CA ageri da goian, ikur esponentzial gisa, babesa eta sendotasuna gorenean jartzen.
Eslogana
Para que llegues lejos, estamos muy cerca
Urruti heldu zaitezen, oso hurbil gaude
Ondare Bankuan eta Enpresen Bankuan espezializatutako marka.
Balioa ematen duen banka. Bestelakoa, pertsonalizatua. Zure ondarearen kudeaketa integralerako estrategia lantzen eta hobetzen jarraituko dugu, ondare hori babesteko eta epe luzean handitzeko. Arreta pertsonalizatua eta produktu-sorta ezin hobea uztartuz, zure segurtasun- eta errentagarritasun-itxaropen eta -helburuei erantzuten saiatzen gara, finantza- eta zerga-ikuspegitik.
Leialtasunez eusten diegu sorrerako balioei. Lurraldearen aberastasunarekiko konpromisoari eusten diogu. Industria- eta ekonomia-sarea, goitik behera aldatu dena, jarduera-sektore berriak hartuta. Nazioartekotzea, berrikuntza... horrek erakusten digu norabidea. Eta, enpresen beharrizanei buruz dugun ezagutzari esker, bai eta CRÉDIT AGRICOLEren ahalmenari esker ere, haiekin batera jorra dezakegu ibilbide hori.
Arriskuak kalifikatzeko Moody's agentziak Bankoa S.A.-ren (Crédit Agricole Taldea) kalifikazioa Baa1 mailara igo du, eta maila hori egonkorra izango dela iritzi dio.
Zuk nahi bezain gertukoa, zuk behar bezain handia
1975etik, horixe da gure xedea. Gure izatearen funtsa. Bezeroarengandik hurbil egotea. Oso hurbil. Bezeroari entzuteko, ulertzeko. Konponbideak emateko. Bere bizitzan zehar laguntzeko. Arreta arduratsua eta paregabea emanez. Kalitatezko zerbitzu profesionala eskainiz.
Konfiantzaz eta konpromisoz eraikitako bidean.
Eta 1997tik aurrera, munduko banku-talde sendoenetakoa den Crédit Agricoleren indarrari esker, handiagoak gara, eta horrek gure bezeroen egitasmo guztiak betetzeko aukera eman digu. Gure lurraldeko enpresenak.
Amets-mota oro.
Horrelaxe gustatzen zaigu bezeroari laguntzea. Zintzotasunez eta gardentasunez lan eginez. Betidanik gureak izan diren eta izaten jarraituko duten balioak oinarri hartuta.
Bezeroa baita gure lanaren ardatza
Gure egunerokoaren ardatza.