Euskal Autonomia Erkidegoa

Ohiko etxebizitza eskuratzean edo birgaitzean inbertitutako zenbatekoen % 18ko kenkaria aplika dezakete zergadunek, beren kontura joan diren erosketa-gastuak barne. Halaber, % 18koak izango dira ohiko etxebizitza erosteko edo birgaitzeko eskatutako maileguen interesengatiko kenkariak.

Urtean 1.530 €-ko gehieneko kenkaria egin ahal izango da.

Zergadun bakoitzaren kenkarien zenbatekoek ezingo dituzte 36.000 € gainditu zergaldi jarraituetan; zifra hori murriztu egingo da, hala badagokio, berrinbertsioagatik salbuetsitako ondare-irabaziaren zenbatekoari % 18 aplikatu ondoren ateratzen den emaitzarekin.

30 urte baino gutxiago dituzten zergadunei edo familia ugarien titular direnei dagokienez, kenkarien ehunekoa % 23 izango da, etxebizitza-kontuetan inbertitu dutenen kasuan izan ezik; horrelakoetan, % 18 izaten jarraituko du. Urteko gehieneko kenkaria, berriz, 1.955 €-koa izango da, etxebizitza-kontuetan inbertitu dutenen kasuan izan ezik.

Etxebizitza-kontua

Etxebizitza erosteko epea: 6 urte, kontua ireki zenetik zenbatzen hasita.

Nafarroa

2016ko urtarriletik aurrera, salmenta-prezio mugatua duen etxebizitza babestua erosteak kenkariak izateko eskubidea emateko, eroslearen errentek ezarritako mugen azpitik egon beharko dute. Ez dago kenkaririk ohiko etxebizitza birgaitzeagatik, ez eta etxebizitza-kontura ekarpenak egiteagatik ere.

Etxebizitza-kontua

Etxebizitza erosteko epea: kontua ireki zen egunari zegokion zergaldia amaitu zenetik 10 urte.

Lurralde komuna

Desagertu egingo da ohiko etxebizitzan inbertitzeagatiko kenkaria, 2013ko urtarrilaren 1etik aurrera eskuratutakoetan.